Mbrëmjen e kaluar, shtëpia e “Big Brother VIP Albania” u pasurua me disa banorë të rinj, mes tyre edhe këngëtari i njohur Floriani, i njohur me emrin artistik Kelly.
Hyrja e tij ka sjellë një valë reagimesh si brenda shtëpisë ashtu edhe në rrjetet sociale, ku fansat janë vënë në kërkim të detajeve për të kaluarën e tij dhe marrëdhëniet e mundshme me personazhe të njohura jashtë këtij formati.
Një nga temat më të diskutuara ka qenë lidhja e mundshme mes Kelly-t dhe modeles Xheneta.
Megjithëse Xheneta nuk është pjesë e formatit, emri i saj është rikthyer në qendër të vëmendjes pasi ndjekësit kanë zbuluar se ajo ka bashkëpunuar me këngëtarin në të kaluarën. Konkretisht, modelja ka qenë protagonistja e një prej videoklipeve të tij të publikuar gjatë verës, një projekt muzikor në bashkëpunim me Stiv Bokën. Ky detaj ka nxitur spekulime se mes tyre mund të ketë pasur diçka më shumë sesa një raport profesional.
