Janë hapur mbi 300 vende të lira pune në Forcat e Armatosura të Shqipërisë.
Ministrja e Mbrojtjes, Olta Xhaçka thotë se “për çdo të ri me vullnet që do t’i shërbejë atdheut dhe vetes, Forcat e Armatosura të Shqipërisë janë vendi i duhur!”
Thuhet se vendet e lira janë për çdo të ri me arsim të mesëm e sipër.
Përveç atyre që kanë një zanat dhe që mund të shërbejnë në FA, ofrohet mundësia edhe për ata të rinj që kërkojnë të mësojnë një zanat të ri, raporton Tch.