Kontrollorët grekë të trafikut ajror, të thirrur nga federata e punonjësve të sektorit publik ADEDY, kanë paralajmëruar një grevë 24-orëshe më 9 prill, për shkak të kërkesave për rikthimin e pagave bonus për pushime, rritje të pagave reale dhe masa për luftimin e krizës së strehimit në Greqi.
Sindikata ka nënvizuar se sistemi i trafikut ajror në Greqi është në një situatë të rënduar për shkak të mungesës së personelit dhe problemeve me pajisjet, duke sjellë vonesa të shumta vitet e fundit dhe që pritet të përkeqësohen edhe këtë vit.
Në të njëjtën ditë, fluturimet në Itali do të preken gjithashtu, pasi stjuardesat e EasyJet, të lidhura me sindikatat italiane FILT, CGIL dhe UIL, janë planifikuar të bëjnë grevë nga ora 10:30 deri në 14:30. Greva do të ndikojë në fluturimet e EasyJet, duke shkaktuar mundësi vonesash dhe anulimesh.
Linja ajrore ka siguruar udhëtarët se do të bëjnë gjithçka të mundur për të minimizuar ndikimin e grevës dhe se do të kontaktojnë ata që kanë fluturime të prekur për t’u ofruar mundësi riorganizimi të planeve të udhëtimit.
Udhëtarët këshillohen të kontrollojnë rregullisht statusin e fluturimeve dhe të jenë të përgatitur për vonesa dhe anulime.
