Është mbajtur mbrëmjen e djeshme “Billboard Music Awards 2023”, ku çmimet janë ndarë në një ceremoni madhështore.
E nominuar për çmim ishte edhe kënga “I’m Good (Blue)’ e këngëtares shqiptare, Bebe Rexha me DJ e famshëm, David Guetta. Kënga e cila ka miliona klikime në kanalin e “Youtube”, ka fituar çmimin e “Këngës më të mirë të vitit e Dance/ Electronic”.
Ndërkohë Bebe Rexha nuk mund ta fshehte entuziazmin e trofeut që mbante në dorë, e cila pas performancës i ka përshëndetur fansat përmes një videoje live nga ceremonia duke i falënderuar për suksesin e këngës.
“Dua të them shumë faleminderit Billboard-it, faleminderit fansave të mi – hajde, Rexhars! Ngrihuni, le të vazhdojmë!”, tha Bebe në fjalimin e saj.
